गनगोर गीत ( Jukebox for all Geet written below)
दुबल्या न का गीत
बड़ी वाला बाड़ी खोल, बाड़ी की किवाड़ी खोल, छोरियां आई दूब न I
थे कुण्या जीरी बेटी हो, कुण्या जीरी भैण हो, के तुम्हारो नाम है I
म्हे ब्रह्मादास जीरो बेटी हो, ईसरदास जीरो भैण हो, रोवां म्हारा नाम है I
बाड़ी वाला बाड़ी खोल, बाड़ी की किवाड़ी खोल I
सबेर का गीत
हरिये गोबर गीली दाबो, मोत्यां चोक पुरावो I मोत्यां का दोय आखा ल्यावो निरणी गोर पुजावो II
गोर ए गनगोर माता, खोल किवाड़ी I बाहेर ऊठी रोवां, पूजण वाली II
पूजो एक पुजावो सइयां, क्या फल माँगा I माँगा ए म्हे अन्न धन, लाछर लक्ष्मी II
जलहर जामी बाबुल माँगा, राता देई मायण I कान कंवर सो बीरो माँगा, राई सी भोजाई II
ऊँट चडयो बहनोई माँगा, चूड़ल वाली भैनड़ I पूत पिछोकड़ फुफो माँगा, मांडा पोवण भुवा II
लाल दुशाला चाचा माँगा, बिणजारी सी चाची I गोर ए गनगोर माता, खोल किवाड़ी II
आरती
नीव ढलती बेलड़ी जी I
मालन फुलड़ा सा ल्याय, ईसरदास थारो कोटडया जी I मालन फुलड़ा सा ल्याय, कानीराम थारो आरती जी II
आरतडदात धाम सुपारी लागी डोड़ा स जी I डोड़ा राज कोट चिणाए, झीलो म्हारी चूनड़ी जी II
गायां जाई छ ठाणम जी, बहुवां जाई छ साल, झीलो म्हारी चूनड़ी जी I
गायां जाया बाछड़ा जी, बहूवां जाया छ पूत, झीलो म्हारी चूनड़ी जी II
गायां खाया खोपरा जी बहूवां खाई छ सूट, झीलो म्हारी चूनड़ी जी I
गायां क गल घूघरा जी बहूवां कागल हार, झीलो म्हारी चूनड़ी जी II
गोरल जायो द पूत जी कुण खिलायगी जी, खिलासी रोवां ननद झाबर क पालण जी I
आँख मोड़ नाक मोड़ कड़ मोड़ घूमर घाल,बाड़ी न रुन्दल जी II
बाड़ी म लाल किवाड़, झीली म्हारी चूनड़ी जी, आवगा ब्रह्मदासजी रा पूत पाजोव थारी मन राली जी I
एलखैल
एल खैल नंदी जाय, यो पाणी कित जाय सी I आदो जासी अलियाँ गलियाँ, आदो ईसरदास न्हासी II
आदो जासी अलियाँ गलियाँ, आदो कानीराम न्हासी I ईसरदास करया बधावना बहू, गोरल जायो पूत जी II
कानीराम घोड़ी घूघरा बहू लाडेला माथ मोर जी I अड़दा द्यावो पड़दा द्यावो, बंदरवाल बंधावो II
सार की सूई ल्यावो, पात का तागा I सीमर दर्जी का बीटा, भाई का भतीजा नागा II
सीमतां पोवतां दिन दस लागा I पैरो र म्हारा भाई भतीजा, भुवा ल्याई बागा II
अं भुवा क कारण, भतीजा रहगा नागा I नागा नागा के करो, था न और सिवास्यां बागा II
पैरो र म्हारा भाई भतीजा, भुवा ल्याई बागा II
माटी ल्यान का गीत
ईसरदास बीरा लीलड़ी पलाण क टिक्की ल्यादो जड़ाव की जी I
कानीराम बीरा लीलड़ी पलाण क टिक्की ल्यादो जड़ाव की जी I
टिक्की चेप हेमाजलजी की धीय क ब्रह्मादासजी की कुल बहू जी I
टिक्की चेप साजनियारी धीय क ब्रह्मादासजी की कुल बहू जी I
पानी प्यान का गीत
म्हारी गोर ती साईं ओ राज घाट्यांरी मुकुट करो I
ब्रह्मादास बीरा ईसरदास राज घाट्यांरी मुकुट करो I
ब्रह्मादासजी रा कानीराम राज घाट्यांरी मुकुट करो I
म्हारी गोरां न पाणीड़ा प्याई ओ राज घाट्यांरी मुकुट करो I
धुप को गीत
धुपियो देर धूपईयो ए , द्यो बाई रोवाक हाथ I
अगर देवर पाइयो ए, पायो सूरजमल भरतार I
ज तेरो धूपियो सापज ए, सुहागण सांज सबेर I
हाथां मेहँदी सिर धड़ी ए, चूड़ला रो सर्व सुहाग I
कोयाँ काजल धुल रयो, ए बिंदली रो सर्व सुहाग I
रात का गीत
म्हार माथा न मैंमद ल्याओ रंगरसिया, गैरोजी फूल गुलाब को I
म्हारी रखड़ी रतन जड़ाओ रंगरसिया, गैरोजी फूल गुलाब को I
गैरो गैरोजी सासुजी थारो जायो रंगरसिया, गैरोजी फूल गुलाब को I
म्हारी हथेली फरुक रुपिया ल्याओ रंगरसिया, गैरोजी फूल गुलाब को I
म्हारा काना म कुंडल ल्याओ रंगरसिया, गैरोजी फूल गुलाब को I
म्हारा चुड़ला म टीप लगाओ रंगरसिया, गैरोजी फूल गुलाब को I
गैरो गैरोजी बाईजी थारो बीरो रंगरसिया, गैरोजी फूल गुलाब को I
म्हारी जीभड़ली फरूक बरफी ल्याओ रंगरसिया, गैरोजी फूल गुलाब को I
म्हारी आंगालियाँ न बीटी ल्याओ रंगरसिया, गैरोजी फूल गुलाब को I
म्हारी बेसर बैठ जड़ाओ रंगरसिया, गैरोजी फूल गुलाब को I
गैरो गैरोजी सासुजी थारो जायो रंगरसिया, गैरोजी फूल गुलाब को I
म्हारी हथेली फरूकमोहर ल्याओ रंगरसिया, गैरोजी फूल गुलाब को I
म्हारी कड़ियाँ न दावण ल्याओ रंगरसिया, गैरोजी फूल गुलाब को I
गैरो गैरोजी बाईजी थारो बीरो रंगरसिया, गैरोजी फूल गुलाब को I
म्हारी आँखड़ली फरूक घर आओ रंगरसिया, गैरोजी फूल गुलाब को I
सीठना
ईसरजी तो पेचो बांद गोरा बाई पेच संवार ओ राज, म्हे ईसर थारी साली छं I
साली छां मतवाली ओ राज, भांव पता पर वारि ओ राज,
केसर की सी क्यारी ओ राज, लूँगा की सी बाड़ी ओ राज, म्हे ईसर थारी साली छां I
ईसरजी तो मोती पैर, गोरा बाई गर्दन संवार ओ राज, म्हे ईसर थारी साली छां I
ईसरजी तो बीटी पैर, गोरा बाई आंगली संवार ओ राज, म्हे ईसर थारी साली छां I
ईसरजी तो बागो पैर, गोरा बाई गर्दन संवार ओ राज, म्हे ईसर थारी साली छां I
ईसरजी तो मोचा पैर गोरा बाई चाल संवार ओ राज, म्हे ईसर थारी साली छां I
साली छां मतवाली ओ राज, भंवर पटा पर वारी ओ राज,
केसर की सी क्यारी ओ राज, लूँगा की सी बाड़ी ओ राज,
माय भैण स प्यारी ओ राज, चाबा लूँग सुपारी ओ राज, म्हे ईसर थारी साली छां I
गोरबिन्दारो को गीत
थारा घोड़लिया सिणगारो ओ ब्रह्मादासजी रा ईसरदास I आज म्हारो गोरबिन्दारो नीसरयो I
थारा घोड़लिया सिणगारो ओ र हेमाजल जीरा छावा I आज……
गोर ईसरदास घाल झाझा बैठगा, बहुत गोरल लाग थार पाँव, ओ रोवां दे बाई I आज……
गोर कानीराम घाल झाझा बैठगा, बहुत लाडेला लाग थार पाँव, ओ रोवां दे बाई I आज……
बधावा
य मोती समदरियां म नीपज,
सोवणा ईसरदास र कान, बधावोजी म्हारी गोर को I
बाधगा कानीराम क कान, बधावोजी म्हारी गोर को I
म्हे थान बूजां बहू ए गोरल दे,
थारो छ मोत्यां जोगो भाग, बधावोजी म्हारी गोर को I
भाग बड़ा छ म्हारी सास का I
जिना आया छ अर्जन – भीम, बधावोजी म्हारी गोर को I
भाग बड़ा छ म्हारी ननद का I
खिलाया, छ कान कंवर सा बीर, बधावोजी म्हारी गोर को I
बिदा का गीत
ओ गोरल तू आंछी आव, ओ गोराल तू पाछी आव, तन बाई रोवां याद कर I
ओ गोरल तू आवण देख, ओ गोरल तू बावण देख, तन बाई सोवां याद कर I