होली का गीत

(Jukebox For All Geet Written Below)

1) यो कुण होल्याँ जायेसी

यो कुण होल्यां जायेसी सन्देसी लीजो जी । रामचन्द्रजी होल्यां जायेसी सन्देसो लीजो जी ।

अस्सी ए कल्यां को घाघरो माथ धर लीजो जी । जबान भार्या होय तो थारी राणी न दीजो जी ।

राणी न भार्या होय तो थार कवरां न दीजो जी । यो कुण होल्यां जायेसी सन्देसी लीजो जी ।

2) होली की झल 

  होली की झल हेट क जीरो बायो जी । सांवलिया सिरदार क होली धोक जी ।

लीली का असवार क होली धोक जी । बाई ओ सुभद्रा थारा बीर क होली धोक जी ।
पाटलिया उमराव क होली धोक जी । बहू ए रुकमण थारो श्याम क होली धोक जी ।

3) गढ़ स होली जी उतरी

 गढ़ स होली जी उतरी, मारू हाथ कंगन माथ मोर सी । 

होली आई राजाजी रे देश म, म्हारो होल्यां रो बड़ी छ त्योहार जी ।
होली पहली राजीन मत चढ़ो । चढ़ोय तो राधाजी ढोल खीचड़ो,
मारुर र बो ए तो जिनवारा भातजी । होली आई साएब रंग करो ।
जीम चढ़ांगा ए गोरी खीचड़ो, गोरी आये जीमांगा जिनवारा भातजी ।
होली आई गढ़ र कांगर । चढ़ो ए तो ओढा जी ढोल कुनड़ी,
मारू र वोय तो दिखाणीरो चीर । होली पहली राजीन मत चढ़ो ।
निरख चढ़ांगा ए गोरी चुनड़ी गोरी, आये निरखणा दिखणीरो चीरजी ।
होली आई राजाजी र देश म । चढ़ो ए तो ढाला जी ढोल ढोलियो,
मारू रयो थे तो फुलड़ारी सेज जी । होली आई सरब सुलाखणी,
पोढ़ चढ़ांगा ए गोरी ढोलियो, गोरी आये पोढांगा फुलड़ारी सेज जी ।
होली आई साएब रंग करो । सिमजण लाग्या जी ढोंला कोथला,
मारुगिन जण लाग्या छ दाम जी । होली आई साएब धन घड़ी ।
तनजण लाग्या जी ढोला ताणिया, मारू बट जण लागो छ डोर जा ।
होली पहली राजीन मत चढ़ो । चढ़ो ए चढ़ावो जी ढोला के करो,
मारू क्यूँ बरसावो नाजुक जीव जी । होली आई सरब सुलाखणी ।
जद पर मेल्यो जी ढोला पागड़, गोरी डब डब भरयो दो नैन जी ।
होली आई राजाजी रे देश म । आंसु तो पूंछा जो ढोलो पेबस,
मारू लीनी छ हिबड लगाय जी । होली आई साएब रंग करो ।
लसकरिया भंवर खेलो म्हो स फाग जी । होली आई साएब धन घड़ी ।

4) ओरां परणी गोरड़ी

  ओरां परणी गोरड़ी म्हार रामचन्द्रजी परन्याछ रीछ , धड़िन्दो बाजी जी । 

न्हाव धोव गोरड़ी साएब पढयो ये सूं सावछ रीछ, धड़िन्दो बाजी जी । 

ढांडा ढीड़ा उछल्या साएब पड्यो ये सूंसाव छरीछ, धड़िन्दो बाजी जी ।
ओरां परणी गोरड़ी म्हार रामचन्द्रजी परन्याछ छरीछ, धड़िन्दो बाजी जी ।